Shillong, Jymmang, 30: Saw ngut ki briew la suba ba ki la duhei ia la ka jong ka jingim hadien ba ki la shah tep im na ka jingtwa jong ka khyndew ha ka shnong Nongpriang, kaba hap hapoh ka Sohra Civil Sub-division, East Khasi Hills District.
Ka kynhun Search and Rescue Team (SRT) tang shu ioh jingtip halor kane ka jingjia mar mar ki la leit sha kane ka shnong ban iarap sei ia ki briew kiba la sahkut ha ka jingtwa jong ka khyndew kaba la tep im ia ki briew kiba don hapoh ka ing, la iathuh ki Pulit.
Ka thymmei khubor ba la iohlum ka iathuh ba ki briew kiba la shah tep im ki dei kiba la tip kyrteng kum Phisar Nongrum 75 snem, Kynmaw Syngai 70 snem, Benti Riahtam 60 snem bad Master Lumlang Riahtam 16 snem.
