Jowai, ïaïong, 30: Ar tylli ki kali kiba la pynieng ha phyllaw jong ka Police Reserve, Jowai, West Jaintia Hills District ki la shah wiang ding ha ki briew kiba ym lah ban ithuh ha ka step sngi Baar.
Kine ki artylli ki kali kiba la shu julor ki long ka Bus jong ki Pulit kaba don ia u Number ML-02-1873 bad kawei pat ka dei ka kali Gypsy shimet jong uwei u Pulit.
Ha kane ka jingshah wiang ding, ka kali Gypsy ka la ingkhong lut katba ka Bus ka la julor tang na ki bynta ba shakhmat.
Ha kaba iadei bad kane ka jingjia, ki Pulit ki la pynlong ia ka jingtohkit ban lapdien ia kiba donkti ha kane ka kam.
