Shillong, ïaïong, 30: Ki paidbah nongshong shnong jong ka thaiñ 4mer Shiteng, Upper Shillong ki la her mynsiem hadien ki la iohi ia ka jingpur ki thylliej ding barhem shajan ki ingsah jong ki na ka khlaw kaba don markhap.
Ki paidbah ki la iathuh ba ka jingkem ding ka la sdang na Sohbir naduh ka sngi u Blei bad dei tad haduh ka step sngi Baar ha ka por kumba 11:30 baje mynstep ba ka ding ka la sdang ban pur shajan sha kane ka shnong ha kaba ki paidbah ki la hap ban mih na la ki jong ki iing ki sem ban pynlip ia ka ding.
Namar ka jingpaswut kaba jur jong ka lyer bad na ka jingrang tyrkhong jong ka suiñ bneng, ki thylliej ding la pur stet bha.
Shwa ba ka ding kan pur sha ki ing jong ki briew, ki Pulit bad ki kali pynlip ding jong tnat Fire and Emergency Services ki la wan poi biang por ban tem ia ka jingkhlang jong ka ding shwa ban mih kino kino ki jingjia ba sngewsih.
Ha ka Lah Sngi u Blei, katto katne ki bynta jong ka khlaw Golflink ha surok kaba mih na Golf Club sha Polo.
Ki jingpluh jong kane ka khlaw baroh arliang surok ka la pynmih ruh ia ka tdem jaboh kaba la pynsuhsat haduh katta katta ia ki nongleit nongwan kiba iaid lyngba na kane ka law bniap.
Da ka jingkloi jong ki Pulit CRPF la lah ban pynlip noh ia ka ding kaba la klang shwa ba kan pur sha ki ing bad ki dukan kiba don hajan kane ka khlaw.
