Shillong, Lber, 02: Kawei ka khynnah kaba la 14 snem ka rta kaba la tip kyrteng kum ka Thranghun Dhar, ka khun jong ka Kong Bim Dhar kaba sah ha ka shnong Musiaw ka la jahrngai la jan kumba shi bnai duna, kata, naduh ka 12 tarik, Rymphang, 2026.
Katkum u kyrwoh ba la phah da u Superintendent of Police ka East Jaiñtia Hills, la pyntip ba kane ka khynnah ka la jah ha ka por kumba 12 baje mynsngi na ka shnong Mulang, East Jaiñtia Hills, ka jaka ba ka kmie jong ka, ka ju leit trei.
Ïa ka ejahar, ki Pulit ki la ïoh pdiang ha ka 25 tarik, Rymphang, 2026 na u Bah Pynshnghngaiñ Dhar uba sah ha ka shnong Musiaw village, West Jaiñtia Hills District lyngba ka ophis u Superintendent of Police, East Jaiñtia Hills district ba la phah da u Officer In-Charge ka Nartiang Police Station, West Jaiñtia Hills District.
Kane ka khynnah ka don ïa ka rynieng kaba jrong 4 phut 8 inshi, ba shu biang met, ka durkhmat ba iong, ka dur ba pyllun, ka phong da ka sopti T-shirt bad ka skad.
