Shillong, Nohprah, 05: Ka dorbar khynnah jong ka shnong Mawlat, East Khasi Hills District ha ka 4 tarik u Nohprah, 2023 ka la pynthymmai ia ki nongkitkam ha kaba u heprit Pynshngaiñ Khongjoh u la shah jied kum u Sordar Khynnah, u heprit Dayomi Suting kum u Asst. Sordar, ka heprit Darisha Kshiar kum ka Secretary, u heprit Jubandeipor Kshiar bad ka heprit Ribanjanai Kshiar kum ka Asst. Secretary, u heprit Headingson Khongjoh kum u Publicity Secretary, u heprit Dancel Kshiar kum u Sports Secretary, ka heprit Ibanshisha Khongjoh kum ka Education Secretary lem bad 7 ngut ki dkhot.
Ha u kyrwoh khubor ba la phah sha ka Batesi TV da u Sordar jong ka shnong Mawlat u Bah Maron Suting ryngkat bad ki video ba la ring hi, u la iathuh ba ia kane ka dorbar khynnah ha ka shnong Mawlat la sdang ha ka 22 tarik, Iaiong, 2016 bad la pynthymmai biang ha ka 4 tarik, Nohprah, 2023. U Bah Maron Suting u la pynpaw ba katkum ka jingshem jong u kum u Sordar jong ka shnong, ba kane ka dorbar khynnah ka long kaba donkam shisha khamtam eh ha kaba iadei bad ka khuid ka suba, ka pule ka puthi, ka jingialehkai sports bad khamtam eh ha kaba iadei bad ka jingiamir jingmut lem bad ka burom ka akor.
