Shillong, Jylliew, 20: U MDC jong ka National Peoples Party na Sohryngkham Constituency u Bah Pyniaid Sing Syiem u la shah jied kum u Chief Executive Member ba thymmai jong ka Khasi Hills Autonomous District Council ha ka 20 tarik Jylliew 2023 ha ka ïingdorbar thawain jong ka Council.
Ki MDC na ka Liang Synshar bad ka Liang Pyrshah ki la ai khublei kitbok ia u Bah Pyniaid Sing Syiem bad kyrmen ba un nang lah ban trei kham bha ia ka jingbit jingbiang bad ka jingmyntoi jong ka Council.
U BahPyniaid un ialam ia ka Executive Committee bathymmai hapoh ka shatri jong ka Khasi Hills Democratic Forum ryngkat ka jingiatreilang ka NPP kaba don 12 ngut ki MDC bad ka Congress kaba don 6 ngut ki MDC.
