Shillong, Nailar, 11: Ka Sorkar Jylla lyngba ka tnat (Home) Police ka la pynmih ia ka jingpynbna ba pynkynriah kam ia ki ophisar Pulit ha ki distrik ka rilukm Garo.
Katkum ka jingpynbna, lyngba ka jingmynjur jong ka Civil Services Board (CSB), u Vivekanand Singh Rathore, IPS (RR 2012) uba long u Superintendent of Police jong ka West Garo Hills la pynkynriah kum u Commandant jong ka 3rd MLP Bn, Sahbseiñ hadien ka jingpynkynriahkam ia u Kamakhya Prasad, MPS.
U Shailendra Bamaniya, IPS (RR 2016) uba long u Superintendent of Police jong ka North Garo Hills u la shah pynkynriah ban shimti kum u Superintendent of Police jong ka South Garo Hills hadien ba la pynkynriahkam ia u Abraham T. Sangma, MPS.
U Dr. Dara Aswaghosh, IPS (RR 2018) uba long u Superintendent of Police jong ka Traffic, Shillong ula shah pynkynriah ban shimti kum u Commandant ka 2nd MLP Bn, Goeragre hadien ka jingpynkynriahkam ia u Bruno A. Sangma, MPS.
Lyngba ka jingai jingmynjur jong ka Police Establishment Board (PEB), u Abraham T. Sangma, MPS uba long u Superintendent of Police jong ka South Garo Hills u la shah pynkynriah kam ban shimti kum u Superintendent of Police jong ka West Garo Hills hadien ka jingpynkynriahkam ia u Vivekanand Singh Rathore, IPS.
U Bruno A. Sangma, MPS uba long u Commandant jong ka 2nd MLP Bn, Goeragre u la shah pynkynriah kam ban shimti kum u Superintendent of Police jong ka North Garo Hills hadien ka jingpynkynriahkam ia u Shailendra Bamaniya, IPS.
U Kamakhya Prasad, MPS uba long u Commandant jong ka 3rd MLP Bn, Sahbseiñ u la shah pynkynriah kam ban shimti kum u Superintendent of Police, Traffic, Shillong hadien ka jingpynkynriahkam jong u Dr. Dara Aswaghosh, IPS.
