Shillong, Nohprah, 20: Ka tnat Kam Pohing jong ka Sorkar Jylla ha ka sngi baar ka la pynmih ia ka hukum lyngba u Secretary Bah Cyril.V.D.Diengdoh ban kyntiew kyrdan ia ki Ophisar IPS hapoh ka Jylla ka ban treikam naduh ka 1 tarik, Kyllalyngkot, 2024.
Katkum kane ka hukum, lai ngut ki ophisar IPS kiba la shah kyntiew sha ka kyrdan Deputy Inspector General of Police ki long u Dr Raghvendra Kumar M.G, u Ramesh Singh bad ka Kong Claudia Anne Lyngwa.
U Dr Raghvendra Kumar M.G un shimti kum u Deputy Inspector General of Police (WR), Tura katba ka Kong Claudia Anne Lyngwa kan shimti kum ka Deputy Inspector General of Police (TAP), Shillong.
Arngut kiwei pat ki ophisar ISP kiba la shah kyntiew kyrdan ki long u Jerry F.K Marak u ban dang bteng ban bat kum u Inspector General of Prisons, Shillong bad ka Jubi G.Momin, kan dang bteng kum ka Superintendent of Police, Anti Infiltration Directorate, Shillong.
San ngut kiwei pat ki Ophisar IPS kiba la shah kyntiew kyrdan ki long u Priyanshu Pandey, u Deepak Kumar Palecha, u Bah Herbert G Lyngdoh u ban dang bteng kum u Superintendent of Police, Anti Infiltration Directorate, Shillong, ka Mary Gnora T. Sangma, ka ban dang bteng kum ka Principal jong ka Police Training School, Umran, u Bah Vivek Syiem, u ban dang bteng kum u Superintendent of Police, City ka East Khasi Hills, Shillong.
Lai ngut ki ophisar IPS kiba la shah kyntiew kyrdan ki long u Pawal Swapnil Vasantrao, u Pankaj Kumar Rasgania bad u Vikash Varma. Da kane ka jingkyntiew kyrdan, u Pawal Swapnil Vasantrao un shimti kum Commandant jong ka 1st MLP Bn, Mawiong, Pankaj Kumar Rasgania un shimti kum u Superintendent of Police, CID, Shillong u Vikash Varma, un shimti kum u Superintendent of Police, SCRB, Shillong.
