Shillong, Nailur 25: U Rikman Momin ha ka Lah Sngi u Blei u la shah thung kum u State President ba thymmai jong ka BJP Meghalaya State Unit hadien ba ka samoi treikam jong u State President barim u Bah Ernest Mawrie ka la kut.
Ia kane la pyntip da u National General Secretary & Headquarter Incharge ka BJP u Arun Singh ha ka shithi thungkam.
“U National President ka BJP u Jagat Prakash Nadda u la thung ia u Rikman Momin kum u State President ka Meghalaya, BJP,” ong u kyrwoh.
“Ka jingthungkam kan treikam noh mardor,” la bynrap u kyrwoh.
U Momin u dei ruh u BJP National Council Member bad u la iakhun teng ia ka elekshon Lok Sabha na Tura Parliamentary Constituency ha u snem 2019.Kane kan dei ruh ka sien banyngkong eh ba ka BJP Meghalaya State Unit kan ioh ia u State President na rilum Garo.
