Shillong, K’lyngkot, 27: Ka Donkins Cricket Club ka la long ka kynhun ban ïohrah ïa ka nam lahduh hadien ba ka la lah ban pynliem noh da 3 wicket ïa ka Lawsohtun Cricket Club ha ka jingïakhun phainal jong ka Cricket League 1st Division ba la pynlong da ka Shillong Cricket Association ha ka sngi Baar ha madan Polo, Shillong.
Haba phai sha ka jingïakhun, ka Lawsohtun Cricket Club kaba la jop ïa ka jingkynting pisa ka la kam trai ban tied nyngkong ha kaba ka la lah ban kamai tang 135 run bad hap lut baroh 10 ngut ki nongtied tang hapoh 36 over.
Ki rang tied bol jong ka Donkins Cricket Club kiba la mih madan ban beh ïa ka thong ba la buh da ka Lawsohtun Cricket Club ki la lah ban kamai 136 run tang ha ka 30.5 over
Ka Donkins Cricket Club kaba la ïoh rah ïa ka nam lahduh ka la ïoh khur ïa ka khusnam da ka song pisa kaba T.35,000 hajar katba ka Lawsohtun Cricket Club kaba wan baar ka la ïoh khur ïa ka khusnam da ka song pisa kaba T.17,500 hajar.
U namtam ha kane ka lympung ïalehkai u dei u Agreas Cham Cham Sangma uba la ïoh pdiang ïa ka khusnam Player of the Match hadien ba u la lah ban ïoh khur 3 wicket bad kamai 28 run.
Ïa ki khusnam la sam da u Secretary jong ka Meghalaya Cricket Association u Bah Raynold Kharkamni bad u Treasurer u Bah Eddyson Shylla.
