Shillong, Naitung 01: Ka 6th Installation Ceremony jong ka Rotary Club Shillong Heritage kaba la long ha ka 29 tarik Jylliew, 2024 ha City Hut Dhaba ka la pynskhem ia u Vikash Chokhani kum u President, u Anupam Choudhury kum u Secretary bad u Prashant Goenka kum u Treasurer na ka bynta ka samoi treikam jong u snem 2024-2025.
Ha kane ka sngi la sakhi lang da u Secretary jong ka Salesian Provincial Conference South Asia u Rev. Fr (Dr). John Parankimalil uba la long kum u Kongsan bad uba dei ruh ha kajuh ka por u Secretary jong ka All India Don Bosco Education Society, New Delhi, nangta de ki dkhot jong ka Club bad kiwei kiwei kiba la shah khot sngewbha.
Ka Rotary Club Shillong Heritage ka ju leh ia kiba bun ki kam trei mon sngewbha ha ka imlang ka sahlang bad dang shen ka la buh ia ka Skill Development Centre ha Jyoti Sroat Inclusive School,Shillong.
