Shillong, Jymmang, 11: Ka Sorkar Jylla ha ka sngi Saitjaiñ ka la pynmih ia ka jingpynbna ba la thung ia ka Kong Idashisha Nongrang kum ka Director General of Police (DGP) ba thymmai jong ka Jylla lyngba ka jingpynbna ba la pynmih da ka tnat Kam Pohing ka Sorkar Jylla.
Katkum ka jingpynbna ba la soi da u Secretary jong ka tnat Home (Police) ka Sorkar Jylla u Bah Cyril V.D. Diengdoh, la pyntip ba napdeng ki kyrteng jong ki Ophisar IPS ba la mynjur da ka Empanelment Committee jong ka Union Public Service Commission (UPS) ha ka jingialang kaba la long ha ka 2 tarik Jymmang, 2024 bad na ka bynta ka jingpyntip paidbah, u Lat ka Jylla u la mynjur ban thung ia ka Kong Idashisha Nongrang, ka Ophisar IPS na ka Batch jong u snem 1992 kaba bat mynta kum ka Director General of Civil Defence & Home Guards, Shillong kum ka Director General of Police ka Jylla Meghalaya na ka bynta ka samoi treikam kaba ar snem, kata naduh ka 20 tarik u Jymmang, 2024 haduh ka 19 tarik u Jymmang, 2026.
