Shillong, Jylliew 19: Ki paidbah nongleit nongwan lyngba ka surok Nongstoiñ-Maweit, ha ka sngi Balang ki la sahkut ha surok kumba katto katne por namar ka jingjur shaba palat ka jingtwa khyndew bad ka jingkhyllem jong ki dieng ha kane ka surok khamtam hajan ka shnong Risiang West Khasi Hils District.
Kane ka surok Nongstoiñ-Maweit ka dei ka surok kaba dang pyntrei da ka Dhar Construction Company bad na ka jingther jong u slap mynta la katto katne sngi ka la nang pynsynjor shuh shuh ïa ka khyndew bad kaba la wanrah ruh ia ka jingtwa khyndew sha surok kat haduh ba ki paidbah nongleit nongwan ki la mad ia ka jingsyrtok.
Ka thymmei khubor ba la ïohlum ka ïathuh ba kham hadien katto katne ki kor puh shilum jong ka Dhar Construction Company ki la wan poi ban pynkhuid ïa ka khyndew khnang ban khat ia ka khyndew kaba la twa hapdeng surok.
