Shilong, Jylliew 29: Ki Pulit ka kynhun Anti-Narcotic Task Force (ANTF) ka East Khasi Hills District kiba la ïoh jingtip halor ka jingdon jong uwei u khynnah uba dang 10 snem ka rta uba tyrwa die ïa u drok ha ka thain Lower Jail Road, Shillong ha ka Sngi Saitjaiñ ki la hiar sha kane ka jaka bad leit shimti noh ïa une u khynnah ha ka por kumba 3:30 baje noh sngi.
Ïa u drok ba la thep ha ki 16 tylli ki tyndong platik barit uba don ka jingkhia kaba 17.31 gram la ïoh ban kurup ruh na une u khynnah.
Kat haduh ba la pynmih ïa kane ka khubor ki Pulit ki dang pynlong ïa ka jingtohkit kaba bniah ban tip bniah ïa kiba donkti ban phah tyrwa die ïa u drok ha une u khynnah.
