Shillong, Naiwieng, 27: Ka Khun Hynñiewtrep National Awakening Movement (KHNAM) ha ka Lah Sngi u Blei ka la phah ia ka jingtyrwa sha ka Sorkar Jylla da kaba aiti ia ka dorkhas lyngba u Chief Secretary ka Jylla u Bah Donald P. Wahlang ban bhah kyrpang 80 na ka 100 ia ki kam na ki trai ri trai muluk jong kane ka jylla Meghalaya ha ki Private Sector/Organised Sector.
Kane ka jingtyrwa jong ka KHNAM ka long ba ka Sorkar Jylla kan wanrah ia ka jingpynbeit thymmai ha ka State Reservation Policy kaba dang iaid shakhmat.
Ha ka jingïakren bad ki lad pathai khubor, u General Secretary jong ka KHNAM u Bah James M.A Neng u la iathuh ba u Chief Secretary u la kular ban un sa rah ia kane ka jingtyrwa jong ka KHNAM sha ka Sorkar Jylla ba kan dup lah ban bishar bniah shwa ban shim ia kano kano ka rai.
Kane ka jingtyrwa jong ka KHNAM ka long ban weng ia ka jingkyrduh kam kyrduh jam jong ki samla da kaba kynthup lang ia ki Private Sector hapoh ka State Reservation Policy.
