Shillong, Nailur, 23: Ka seng ki nongñiah trok ha rilum Jaintia kaba la tip kum ka Jaintia Truck Driver Association (JTDA) ka la pyntip ba kan pynlong ïa ka jingïalang paidbah ha ka 30 tarik, Nailur 2024.
Ha u kyrwoh ba la phah da u Publicity Secretary u Bah Firstmoon Kharpamtiah u la pyntip ba kane ka jingïalang kan long ha Tollgate, Ïalong, Jowai ha ka por 10.00 baje mynstep ha kaba yn sa ïathir ïatai halor kiba bun ki jingeh jong ki nongniah trok.
U la kyrpad ïa ki nongñiah trok na rilum Jaiñtia ban ïapoi sha kane ka jingïalang khnang ba ki jingthmu jong ka seng kin long kiba ïaid beit ïaid ryntih.
