Shillong, Nailur, 23: Ka Hynniewtrep National Youth Front (HNYF) Seng Kmie ha ka Lah Sngi u Blei ka la pynbna paidbah ba ka ladep ban beh seng ïa u Bah Marcus Marten, uba bat ïa ka kyrdan Vice President jong ka HNYF Seng Kmie halor ki nongrim ba u ïaleh pyrshah ïa ki riti treikam jong ka seng.
La pynbna ïa kane da u General Secretary jong ka HNYF Northern Region u Bah Alfred Mallai ha ka jingïakren bad ki lad pathai khubor ha Nongpoh.
U Bah Alfred Mallai u la ïathuh ba ka seng ka la shim ïa kane ka rai ha ka jingïalang kaba la long ha ka 21 tarik mynta u bnai ha nongbah Shillong bad ha kajuh ka por u la pyntip ba naduh mynta u Bah Marcus Marten um don bynta eiei shuh ha ka HNYF bad un nym lah shuh ban dang long u dkhot jong ka HNYF.
“Lada don kino kino ki paidbah kiba don jingïadei halor ki kam jong ka seng ki dei ban pyntip noh sha ki nongïalam ka seng bad ym ban pyntip shuh ha u Bah Marcus Marten,” la ong u Bah Mallai.
