Shillong, Nailur, 30: Ki nonghikai skul SSA kiba don hapoh ka shatri jong ka Meghalaya SSA School Association (MSSASA) Central Body ka la pyntip ba kan pynlong ïa ka General Meeting jong baroh ki nonghikai SSA hapoh ka jylla ha ka 2 tarik, Risaw, 2024 ha Madan Student’s, Jaïaw Shillong ha ka por 11:0 baje mynstep.
U kyrwoh ba la phah da u Vice President jong ka MSSASA Central Body Bah Jylliew J. Lyngkhoi u la pyntip ba ki mat ki ban sa ïakren ha kane ka jingïalang ki long halor ka jingdawa ban pynkiew ïa ka tulop bad ban warah ïa ka polisi ban pynskhem lane pynkynriah ïa ki nonghikai SSA na ka State Implementation Society (SEMAM) sha ka State Education Department.
