Shillong, Nailar, 09: Ka Khasi Students’ Union, Mawlai Circle ha ryngkat lang ka Federation of Khasi Jaiñtia and Garo People (FKJGP), ka Hynñiewtrep National Youth Federation (HNYF) Mawlai Circle, ki khot bad wer ia baroh ki paid nongshong shnong jong ka shnong Mawlai bad ka Bri u Hynniewtrep ban ia mih lang ha ka lyngkhuh ba lai snem jong u Bah Cherishterfield Thangkhiew (bam kwai ha dwar u Blei) ha ka 13 tarik mynta u bnai.
U kyrwoh ba la phah sha ki lad pathai khubor, ki lai seng ki la ong, kane ka jingkynmaw tympang ia ka lyngkhuh ba lai snem kan long ka jingpynkynmaw bad ka jingbitar ia ka jinglehdonbor jong ka Sorkar ban dkhat jubor ia ka jingim u Bah Cherishterfield Thangkhiew, u sohkhliang, ka jingpaid dohnud jong ka iing ka sem, kan iai kyrsoi ha ka mynsiem jong ngi iwei pa iwei ba da lei lei ngin nym lah ban pdiang iaki kham thombor da ki bor Sorkar ha ka shynshar paidbah, ka jingsah umdum haduh mynta, ka jingiaid laitluid ki riewthrang snam da lei lei kan nym pynklet ia ngi.
Ha kane ka sngi, ka KSU, FKJGP, HNYF(Mawlai Circle) kin wah ia ki lama iong kum ka dak ka jingpyrshah ia ka jingiaid laitlan ki riewthrang snam naduh ka por 9:00 baje mynstep bad kumjuh ban synran lang ia ka iing ka sem ha ka jingleit buh syntiew kynmaw burom ia u (Late) Cherishterfield Thangkhiew ha u lum Jingtep ha Lawmali ha ka por 2:00 baje nohphai sngi.
