Mairang, Naitung 27 : Kum shibynta ban bud ryntih ia ka hukum ba la pymih da ka Iingshari High Court ba donburom jong ka jylla Meghalaya na ka bynta ka PIL No. 2 jong u snem 2021 kaba ha ka 26 tarik u Jymmang mynta u snem, u District Magistrate ka Eastern West Khasi Hills District u la pynmih hukum hapoh ka Section kaba 144 jong ka CrPC kaba pakhang ia ka jingbuh ne jingwah pathar ia ka doh khlem kano kano ka jingda, jingtap ne jingker da ki nongdiedoh kiba ju diedoh hapoh ka distrik.
Katkum u District Magistrate, ka jingbuh bad jingwah pathar ia ka doh da ki nongdiedoh ka lah ban wanrah ia ka jingjaboh jong ka doh lyngba ki pumpum bad ka lah ruh ban pynsniew ia kadoh kaba lah ban wanrah kylla ia ki jingpang sha ki nongbam ia ka bad la pynmih ruh ia kane ka hukum kum shibynta ban pynthikna ba la lehbah bad leh thikna ia ka rukom ot bad buh doh da ki nongdiedoh bad ka rukom ri ia ki mrad da ki paidbah kiba ju ri ia ki, kaba kynthup ruh naduh ka rukom kit rukom bah ia ki mrad ban ri lane ban bam doh.
Kino kino napdeng ki nongshongshnong kiba shah ktah ha katei ka hukum ki lah ban leitmih sha ki bor ba dei khmih halor kane ka bynta, bynrap shuh shuh ka hukum jong u District Magistrate
