Shillong, Nailar, 30: Ka Seng Samla Kur Kharmawphlang ka la pyntip ba kan sa pynlong ïa ka jingpynkup burom ïa ki khun samla jong ka Kur Kharmawphlang kiba pas bha ha ki eksamin bapher bapher jong u snem 2023 bad u snem 2024 ha ka 26 tarik, Risaw, 2024 ha Dorbar Hall jong ka shnong Umpling ha ka por 12:00 mynsngi.
Ha u kyrwoh, la bthah ïa ki khun samla jong ka kur ba kin sngewbha ban ai jingtip sha ka Vice President jong ka Seng Samla Kur Kharmawphlang ka Kong Tusila Kharmawphlang na ka bynta kiba pas ha ka kyrdan 1st Division ha ka eksamin SSLC, CBSE, ICSE, ISC, HSSLC (Atrs, Commerce & Science), CBSE (Atrs, Commerce & Science), Degree (Atrs, Commerce & Science), Master Degree (Atrs, Commerce & Science).
Ïa ki Marksheet bad ka Bio-data dei ban pynpoi sha ka Kong Tusila Kharmawphlang ne telephone ha u nombar: 84140-79820.
Ka tarik ban pdiang khatduh ïa ki Marksheet bad ka Bio-data kan long ha lane shwa ka 12 tarik, Risaw, 2024 bad ki khun samla ki dei ban da pyndap bha ïa ka kyrteng bad ïa u Mobile Number da kiba shai bad ban phah ha u WhatsApp number: 84140-79820.
