Shillong, ïaïong, 09: Ka Kashari jong u Session Judge, West Jaiñtia Hills District u NA Khan ka la rai pynrem kaba phah set along 10 snem ïa u Riang Najiar, 71 snem ka rta uba donkti ban leh be-ijot ïa i khun kynthei lajong iba la 9 snem ka rta ha u snem 2008.
Katkum u kyrwoh ba la phah da u Superintendent of Police, West Jaintia Hills u la pyntip ba une u kpa runar u la leh be-ijot ïa la ka jong ka khun kaba la duh noh ïa
la ka jong ka kmie ha ka por ba dang kha ïa ka.
Ïa ka case la rejister ha Jowai Police Station hapoh ka Section 376 Indian Penal Code bad ïa ka jingtohkit bad pynngat kyndon la shimti da ka WPSI Kong O. Tyngkan.
Nalor kaba rai pynrem, ka Kashari ka la hukum ruh ïa une u kpa runar ban siew ïa ka bailutksan kaba T. 3,00000 lak sha ka lanot.
