Shillong, ïaïong, 09: U Bah Bashemlad Ryntathiang uba sah ha mawlai syllaikariah ha ka 8 tarik u Iaiong, 2024 u la ujor da ka ejahar sha ki Pulit jong ka Pasteur Beat House hadien ba ki briew ki bym lah ban tip ki la rongtuh ia ka Scooty NTORG kaba don ia u nombar MLO5-W-9942 na ka thain Polo ha ka 7 tarik Iaiong, 2024 ha ka por kumba 11:00 baje mynmiet.
Ha kane ka ejahar u Bah Bashemlad u la iathuh ba katba u dang leit sha iew Polo ban thied dawai, ki don katto katne ki briew kiba pan jingpruid ban thang sikret bad tang hadien kane u la kyllon khlem tip briew shuh. Hadien ba u la tip briew ha ka sngi kaba bud u la poi sha Nongpoh bad ong ruh ba um kynmaw eiei shuh ia ka jingjia bad kumno u poi sha Nongpoh bad nalor kata u la pyntip ruh ba nalor ka Scooty, ki runar ki la tuh ruh ia ka pisa na ka met jong u.
