Shillong, K’lyngkot, 29: Ka Dorbar Mang Tyngka jong ka Ingdorbar Thawaiñ ka Jylla kan sdang naduh ka 16 tarik u Rymphang 2024.
Katkum ka iktiar ba la pynkup bor da ka Clause (I) jong ka Article 174 ka Riti Synshar ka Ri India, u Lat ka Jylla u Phagu Chauhan u la pynmih ia ka hukum ban pynlong ia ka Dorbar Mang Tyngka jong ka Ingdorbar Thawaiñ ha ka 16 tarik u Rymphang 2024 naduh ka por 10:00 baje mynstep.
Ha kaba iadei bad kane, u Commissioner and Secretary ka Secretariat jong ka Ingdorbar Thawaiñ u Dr. Andrew Simons ula phah jingtip sha u Symbud Myntri Rangbah ka Jylla Bah Prestone Tynsong uba peit ia ka tnat Parliamentary Affairs, sha u Nongialam ka Liang Pyrshah Bah Ronnie V. Lyngdoh, sha ki MLA ba kynthup ia u Bah Charles Pyngrope bad Bah Lahkmen Rymbui ba ka jingialang jong ka Bussiness Advisory Committee kan sa long ha ka 2 tarik u Rymphang ban iathir iatai na ka bynta ki sngi shong dorbar jong ka Dorbar Mang Tyngka, 2024.
