Shillong, Jymmang, 02: Ki ophisar jong ka ophis Headquarters Preventive, Customs, North Eastern Region, Shillong kiba la ïoh ïa ka jingtip kaba bniah ki la pynap shrip ha surok Silchar-Jiribam ha ka 29 tarik, Ïaiong, 2024 hadien ba ki la ïoh jingtip ba ki don ki briew kiba rah ïa u drok.
Ha kane ka jingpynap shrip, ki ophisar ka ophis Customs ki la ïoh bat ïa ki arngut ki briew na ka thaiñ Kashipur ha surok Silchar-Jiribam bad ïoh kurup haduh 2.270 kilo u dawai Methamphetamine uba shongdor 2.23 klur.
Ïa kine ki arngut la kem hapoh ki kyndon jong ka Narcotic Drugs and Psychotropic Substances Act, 1985. Ka jingtohkit ïa kine ki arngut mynta ka dang ïaid shakkhmat.
Ka ophis Customs ka kyntu ruh ïa kino kino ki riewpaidbah ban jingtip shaphang ki jingkhaii tuh ïa ki mar rem dor, ïa ki lut pisa thok, ki ksiar bad kiwei kiwei ki kam bymman ha kaba ïa ki kyrteng jong ki nongai jingtip yn buhrieh noh bad yn ai ruh ïa ka khusnam.
