Shillong, Risaw, 03: Ka Bomlain FC ka la long ka kynhun ban iohrah ia ka nam lahduh ha ka Samkhamti Independence Cup hadien ba ka la lah ban pynliem noh 2-0 kol ia ka Lamare FC ha ka jingiakhun phainal.
Kum ban shu pyntip hangne ba kane ka dei ka wat kaba lai ba la pynlong ia ka Samkhamti Independence Cup jong une u snem 2024 halor ka phang pdeng kaba ong, “Say No to drugs and Yes to Sports” hadien ba la pynsdang ia kane ka lympung ialehkai naduh ka 16 tarik, Nailar 2024 ha kaba ki kynhun kiba iashim bynta ki don haduh 45 tylli ki kynhun.
Haba phai sha ka jingiakhun, ka Bomlaiñ FC ka la lah ban pynjem khnap ia ka Lamare FC lyngba ki ar kol kiba la ioh thep da u Robert Khongriah.
Ha kane ka sngi la sam ia khusnam Best Goalkeeper ba la ioh da u samla John Kharnaïor na ka team Andy FC, ka khusnam Golden Boots la ioh da u Kitbok Pale na ka Lamare FC, ka khusnam Player of the Tournament ba la ioh da u samla Damanbha Khyrïem na ka team Mali FC bad ia ka khusnam Best Discipline Team la ioh na da ka Sakat FC.
Ka Bomlaiñ FC ka la ioh rah nam lahduh ka la ioh khur ia ka Khusnam da ka song pisa kaba T. 50,000 hajar ryngkat bad ka trophy katba ka Lamare FC kaba la wan baar ka la khur ia ka song pisa kaba T. 20,000 hajar ryngkat bad ka trophy.
