Shillong, Nailar, 29: Kum shi bynta ka jingrakhe ia ka National Sports Day, ki bor synshar District ryngkat ka jingiatreilang bad ka Office jong u District Sports Officer, West Jaintia Hills District ha ka sngi Palei ki la pynlong ia ka jingiakob lehkai mawpoin bad iatan tyllai ha Kiang Nangbah Stadium, Jowai.
Ha ka jingiakob lehkai mawpoin ha ka liang jong ki kynthei, ka H.K Singh Secondary School ka la jop ia ka kyrdan kaba nyngkong, katba ka Kiang Nangbah Government Higher Secondary School ka la jop ia ka kyrdan kaba ar bad ka Q.C Springside Higher Secondary School ka la jop ia ka kyrdan kaba lai.
Haba phai pat sha ka liang jong ki shynrang, ka Mihmyntdu RC Secondary School ka la jop ia ka kyrdan kaba nyngkong, ka Marian Higher Secondary School ka la jop ia ka kyrdan kaba ar bad ka Jaintia Higher Secondary School ka la jop ia ka kyrdan kaba lai.
Ha ka jingiakob tan tyllai, ha ka liang jong ki kynthei, ka H.K Singh Higher Secondary School kala jop ia ka kyrdan kaba nyngkong, ka Jaintia Higher Secondary ka la jop ia ka kyrdan kaba ar bad ka Marian Higher Secondary School ka la jop ia ka kyrdan kaba lai.
Katba ha ka liang jong ki shynrang, ka Jaintia Higher Secondary School ka la jop ia ka kyrdan kaba nyngkong, ka Kiang Nangbah Government Higher Secondary School ia ka kyrdan kaba ar bad ka Marian Hills Higher Secondary School ka la jop ia ka kyrdan kaba lai.
