Shillong, Nailur, 07: Ka kali sumo kaba dang wan na sor Shillong kaba don ïa u number ML 05 F 5498 ka la syllad ïa ki ar tylli ki kali hakhmat ka ophis Block Development Officer (BDO) Mylliem C&RD Block, 5 mer, kiba dang wan ka surok Upper Shillong ban hiar sha sor Shillong.
Shi por ka la don ka jingdheng kali kaba jur ha ka surok jong ka thaiñ Upper Shillong ha ka miet sngi Thohdieng.
Ki ar tylli ki kali kiba la julor na ka jingshah tynrah ki long kawei ka kali Alto K10 kaba don ïa u number ML 05 AC 8021 bad ka kali Baleno kaba don ïa u number ML 05 X 7007.
Hynrei ha kane ka jingjia ym shym la don ba mynsaw.
La kynnoh ba kane ka jingjia ïatakhuh ka kali ka la jia tang na ka daw ba u nongñiah jong ka kali Sumo u Bah Wanbokstar Kharymmai uba shong basah ha mylliem u la buaid khawiang.
