Shillong, Nailur, 30: Haduh 209 ngut ki khynnah skul na kli 8 tylli ki skul kiba hap hapoh ka Mawphlang C&RD Block ki la ïashim bynta haka Inter Schools Chess Tournament ba la pynlong da ka Mawphlang Upper Primary School da ka jingïatreilang bad ka Meghalaya Chess Association.
Ha ka kyrdan Senior Boys u Gadmiel Lyngdoh Mawphlang na ka Mawphlang Secondary School u la jop ïa ka kyrdan kaba nyngkong, katba u Wankibabang Sunn na Mawngap Christian Multipurpose Higher Secondary School u la jop ïa ka kyrdan kaba ar bad u John Elridge Warjri na Sadew Mawkriah Presbyterian Secondary School u la jop ïa ka kyrdan kaba lai.
Ha ka kyrdan Senior Girls, ka Emidaka Rymbai na Mawphlang Secondary School ka la jop ïa ka kyrdan banyngkong, katba ka Faithful Rynjah na ka Mawphlang Secondary School ka la jop ïa ka kyrdan kaba ar bad ka Baïasuk NongKhlaw na ka Mawphlang Secondary School ka la jop ïa ka kyrdan kaba lai.
Ha ka Junior Boys u Firstar Desiar na St Paul’s Secondary School Marbisu u la jop ïa ka kyrdan banyngkong, u Wilbert Kynsai Sad na St Paul’s Secondary School Marbisu u la jop ïa ka kyrdan kaba ar bad u Rudolf Rani na Mawphlang Secondary School u la jop ïa ka kyrdan kaba lai.
Ha ka kyrdan Under-14 jong ki kynthei, ka Catherine Kerdalin Thabah na St Paul’s Secondary Marbisu ka la jop ïa ka kyrdan banyngkong, ka Philapynkmen Khyriem na ka Mawngap District Christian Multipurpose Higher Secondary School ka la jop ïa ka kyrdan kaba ar bad ka Twinkle Kharlyngkhoi na Mawphlang Secondary School ka la jop ïa ka kyrdan kaba lai.
Ïa ki takma la sam ruh sha kiba jop ha ka kyrdan kaba saw haduh ka kyrdan kaba shiphew da u Director ka State Education and Literacy u Swapnil Tembe uba la long kum u Kongsan ryngkat ka jingsakhi lang jong u President ka Meghalaya Chess Association bad kiwei kiwei.
