Shillong, Risaw, 14: Ka Indian Red Cross Society, Meghalaya State Branch hapoh ka jingïalam jong u General Secretary u Bah Andrew Nelson Sawian ha ryngkat ki nongtrei jong ka Red Cross ki la leit ban ai jingïarap ïa ki lanot ha ka jingjia shlei um ha South Garo Hills District ha ka 11 tarik mynta u bnai da kaba ïatreilang bad ka ophis jong u Block Development Officer (BDO) Chokpot.
Ha u kyrwoh, ka IRCS ka la sakhi ba shibun ki longiing ki la shah ktah bha ha ka jingshlei um na ka jingther jong u lapbah lapsan.
Ka Indian Red cross Society Meghalaya ka noh synniang sha ki lanot da ki marbam kum u khaw, u phan, ka umphniang, ki nep syaid, ki tiar shet, ki jaiñ phong bad kiwei kiwei ki tiar.
