Shillong, K’lyngkot, 27: Ki Pulit jong ka Traffic Branch jong ka Ribhoi District ha ka 26 tarik mynta u bnai kaba dei ruh ka sngi rakhe ïa ka Republic Day ki la bat naphang ïa ki thuk thuk ar shaka bad ïa ki kali saw shaka ha surokbah National Highway-6, ha Ribhoi District ban daiñ kuna naphang ïa kiba pynkheiñ ïa ki kyndon aiñ niah kali hadien ba la lap ba ki don ki nongniah thuk thuk ar shaka ki bym kup ïa ki helmet kynthup ruh ïa kiba shong lang nadien, ka jingbym deng jong ki nongniah kali ïa u seat belt ha ka por ba niah kali bad kumjuh ruh ïa ki nongniah kali kiba pynher stet ïa ki kali ha surok.
Namar ka jingpynkhein aiñ, Haduh 63 tylli ki kali ki la ïoh pdiang ïa ka e-Challan bad haduh 77hajar tyngka ki Pulit ki la ïoh lum ïa ka pisa na kaba daiñ kuna.
Ki Pulit ka Traffic Branch ka Ribhoi District ka la pyntip ruh ba kan dang ïai bteng bat ïa ki thuk thuk ar shaka bad ïa ki kali saw shaka kiba pynkhein ïa ki kyndon aiñ niah kali.
