Shillong, Rymphang, 07: Ha ka kyrteng jong ki nongshong shnong ka jylla Meghalaya, ki nongkitkam jong ka Meghalaya State Olympic Association ba la lamkhmat da u Treasurer u Bah Ksan Warjri, u Joint Secretary u Bah P.Laloo ryngkat u District Sports Officer na ka tnat ïalehkai Sports ka Sorkar Jylla lem bad ki bahaing hasem ki la leit ban pdiang sngewbha ïa ki nongjop takma ha ka National Games, kaba la long ha ka jylla Uttarakhand, na kad liengsuin Guwahati hadien kine ki nongjop ki la wan phai sha la ka jong ka jylla ha ka 7tarik Rymphang, 2025.
Kum ban shu pynkynmaw hangne ba ki nongïalehkai na kane ka jylla ki la ïoh khur takma ha ka jingïakop king lieng ki long u Pynshngain Kurbah uba la ïoh khur ïa ka takma rong, u Vikash Rana uba la ïoh khur ïa ka takma ksiar, ka Elizabeth Vincent kaba la jop ïa ka takma rupa bad u Indra Sharma uba la jop ïa ka takma rupa.
