Shillong, Lber 11: Ka Bharatiya Janata Party (BJP) ha ka sngi Baar ka la pyrshah ïa ka jingthmu da ka Sorkar Jylla ban pyndam noh ïa ka komiti ba la ïalam da u Justice (Retd) BP Katakey, kaba khmih ïa ka jingkynnoh ha kaba ïadei bad jingkhaiï dewïong beaiñ ha ka jylla Meghalaya.
Ha ka jingkren u nongai ktien ka BJP u Bah Mariahom Kharkrang u la ong, “ia kane ka komiti la thung da ka High Court bad ka long kaba kongsan ba kane ka komiti kan pyndep ïa ki jingtohkit bad ba ka dei ban pynkut ruh ïa kane ka kam. Ka jingpynduh ïa kane ka panel ha kane ka por ka long kumba weng ïa ka hok ka jingtohkit bad ka jingkhang lad ïa ka hok ba ki paidbah ki dei ban tip. Ha ka jaka ban weng ïa u, ka sorkar ka dei ban sngap pat ïa ka jingeh kaba don jingïadei bad kane ka kam khaiï dewïong beaiñ.”
“Kum ka party ka kyrshan ïa ka jinglong khuid suba ha baroh ki kam kiba ktah ïa ki paidbah, bad na ka liang ka BJP Meghalaya kam mynjur satia bad ka sorkar ha kaba ïadei bad kane ka kam ban shu pynkut jubor ïa ka kam u Justice (Retd.) BP Katakey,” u la bynrap.
“Ngi na ka liang ka state unit ka BJP ka la thaw ïa ka panel ban tohkit halor kine ki jingkynnoh ba jur palat ka jingtih bad khaiï beaiñ ïa u dewïong ha ka jylla. Kine ki jingshem jong ki jingtohkit ngin sa aiti sha ki nongïalam ka sorkar pdeng hadien ba ngi la pyndep ïa ka kam,” bynrap u Bah Kharkrang.
