Shillong, ïaïong, 01: Ki nonghikai skul SSA kiba don hapoh ka jylli jong ka 12 Shnong Laitkroh Block Unit kin pynlong ïa ka General meeting ha ka 5 tarik mynta u bnai na Penial English School Lummawkong, Laitkroh ha ka por 11:00 baje Mynstep.
Ha kane ka jingïalang kin don ruh ki nongïalam jong ka District bad Central Body.
Kumta la khot bad wer ïa baroh ki para nonghikai skul SSA ban ïa pyllait por khnang khnang ban ïapoi ryntih ha kane jingïalang ban ïoh ïakren ïa ki kam ba bun jong ki nonghikai skul SSA.
Sngewbha pyntip lang ruh ïa kiwei ruh ki para nonghikai skul SSA kiba don hapoh ka Block Unit, la ong u kyrwoh ba la phah da u General Secretary jong ka MSSASA 12 Shnong Laitkroh Block Unit u Babu John Elvis Lyngdoh.
