Shillong, Iaiong, 28: U MLA jong ka Mawkynrew Constituency Bah Banteidor Lyngdoh uba long ruh u President jong ka Shillong Sports Association ha ka Lah Sngi u Blei u la plie pyrda ia ka Samkhamti Veteran League, 2025 ha kaba la sakhi lang da ki nongialehkai kiba la iashim bynta ha kane ka tournament, u Bah Samborlang Diengdoh bad kiwei kiwei.
Ha ka jingiakhun ha ka Group A, ka Hope United Veterans ka la lah ban pynliem noh ia ka PFR Vererans (B) da 4-0 kol, ha ka Group-B, ka Paralok FC ka la jop ia ka Sunrisers Veterans da 3-02 kol, ha ka Group-C ka Lawsohtun Veterans ka la jop ia ka PFR Vererans (A) da 5-1 kol bad ha ka Group-D ka MPFV (A) ka la jop ei khlem da iakhun ia ka Rympei PIP kaba khlem wan mih satia ha ka madan ialehkai.
