Shillong, Iaiong, 28: Ka Meghalaya Schools Welfare Development Association- Central Body (MSWDA-CB) lyngba u President Bah H.M.Marbaniang ka la pyntip sha baroh ki President, Secretary SMC, Principal/Headmistress/Headmaster/lane ki nongmihkhmat na ki skul naduh Pre- Primary haduh Secondary/ Higher Secondary na rilum Khasi bad Jaintia ban wan sha ka jingialang ka ban long ha ka 3 tarik, Jymmang, 2025 ha ka por 11:00 baje mynstep ha Raitsamthiah Community Hall hajan Christian Academy School ban iakren halor ka phang jong ka Language Policy ba thmu ban pynlong Compulsory Subject ia ka Ktien Khasi bad Garo haduh ka Class IV ia kaba la pan ban ai jingmut da ka tnat Pule Puthi jong ka Sorkar Jylla bad ban pynshai halor ki mat ba la iakren bad Myntri ka tnat Pule Puthi bad ki ophisar jong ka tnat Pule Puthi halor ka dorkhas ba la phah.
“Ka Association ka wer bad khot ia ki skul SSA ki bym treh ne kwah (unwillingness) ban aiti ia ka skul sha ka Education Department na ka bynta ban ia treilang halor ka mat ba la dawa da ka Association bad ka Association ka kren shai ia kaba baroh ngi tip bad sngewthuh ba ki jingbym mon kim long kajuh bad kiwei namar ka Management ka la ia pher, hynrei ngim pyrshah ia kiba kloi lane mon ban aiti,” ong u kyrwoh.
