Shillong, Jymmang 17: U Myntri ka tnat Bording ka sorkar jylla u AT Mondal u la pynthikna ba ki kam bording ha ka thaiñ Rajabala yn sa lah ban pynbha hadien ba la dep ban buh ïa ka sub-station kaba thymmai ha u bnai Nailar mynta u snem.
Haba kren sha ki lad pathai khubor u Mondal u la ong, “Nga la dep ban ïakren bad u Nokma jong ka shnong Balachanda, bad mynta u la ïa ka jingïatreilang bad uba la ïarap ruh ïa ngi halor kane ka kam. Nga ai ka jingkhublei kaba kyrpang ïa u ha kaba ïadei bad kane ka kam.”
La ïathuh ruh ba na ka liang jong u Myntri u la dep ruh ban bishar kam halor ka jinglong jingman kane ka kam bad u la ong ruh ba ka la don ka jingpynbha ïa ki lad jingtei khamtam naba ïa ka laiñ jong ka Rajabala la ring na ki sub-station, ba la dep ban kyntiew ha ki ar sngi ba la leit.
Shuh shuh na ka liang jong u Mondal u la ong ba ki la don ki bor ban khmih ha ki shnong ki thaw ban pyrkhing ïa ka jingpyndonkam ki motor na ka bynta ka rep eri kaba dei katkum ka por kaba la buh.
“Ha shwa ban pyndep ïa ka Rajabala substation, ngi kwah ban ïohi ba kim dei shuh ban don ki jingpom um kiba beaiñ khnang ban pynthikna ba kan ym don shuh ka jingkiew ka bording bad ba ki paidbah kim dei ban mad ki jingeh. Nga pynthikna ba ha kine ki 2 bad 3 bnai ban wan ki jingeh jong ki kam bording ha kine ki thaiñ yn sa lah ban pynbeit,” u la bynrap.
