Shillong, Jymmang 29: U MP ka Shilong u Dr Ricky AJ Syngkon u la kyntu ia ki trai jaka ban long kiba kylluid mynsiem ban ai jaka na ka bynta ban buh ia ki Transformer ban pynbit pynbiang ia ka jingsam bording sha ki paidbah.
Ïa kane u MP u la kren hadien ka jingïalang pyrkhat kam bad ki bor pyniaid ka Meghalaya Power Distribution Corporation Limited (MePDCL) halor ka Revamped Distribution Sector Scheme (RDSS) jong ka Sorkar Pdeng.
Haba kren shaki lad pathai khubor u Dr. Syngkon u la ong ba ka jingthmu jong ka RDSS ka long ban pynpoi bording sha baroh ki nongshong shnong kiba don ha sor ne nongkyndong bad ia kiwei pat ki jingmyntoi kiba ka Jylla ka lah ban ioh na ka skhim.
U ïathuh ba haka jingïalang kala ong ka jingiathir sani bha haba iadei bad ki sienjam ba ka tnat Bording ka donkam ban shim khnang ban pynthikna ba ka RDSS ka treikam bha hapoh ka Jylla naka bynta ka jingmyntoi ki paidbah baroh.
“Nga kyntu ia ki paidbah ban noh synñiang lem ia ki jaka lada ka MeECL ka donkam ban buh ia ki Transformer bad nga kyntu ruh ïa baroh ba kim dei ban thok ia ka jingdonkam bording jong ki haba ki ring bording” u la ong.
