Shillong, Jylliew, 02:Ka Ri Bhoi Youth Federation Western Zone hapoh ka jingïalam jong u President u Bah Rishan Nongtri ki la leit pynsngew hakhmat u Principal In-Charge ka Patharkhmah Government Higher Secondary School, halor kiba bun ki jingduna hapoh kane ka skul hadien ba la ïoh ïa ki jingud jingnam na ki paidbah ïa ki jingduna kiba bun hapoh kane ka skul.
U Bah Rishan Nongtri u la pyntip hadien ba la ïakynduh ïa u Principal Incharge la tip ba ka skul ka duna ïa ki nonghikai, ki nongtrei bad haduh mynta kam pat don da u Principal ba pura hynrei ïa kaba la shu peit shipor da u Babu Ioanis Umdor uba dei u nonghikai.
Ka seng ka la kyrpad ruh ïa ka Sorkar ba kan shimkhia halor ka jingeh kaba ki 180 ngut ki khynnah skul kiba pule ha ka Class-XII ki hap ban shong tang ha kawei ka kamra.
