Shillong, Jylliew, 19: Ka Hynniewtrep National Youth Front, Sawsympwer Circle ryngkat ka jingïatreilang bad ka Meghalaya AIDS Control Society bad ka Pasteur Institute Regional Blood Bank, Shillong ha ka sngi Palei ki la ai jingpynshai sha ki paidbah halor ka jingktah jong u khniang jingpang HIV/AIDS bad ka jingim kyrni ha u drok.
Hadien ba la wai ka jingpynshai paidbah la pynlong pat sa ka jingnoh synniang ïa ka snam ba la ïalam da u President ka HNYF.
Ha kane ka sngi la sakhi lang da u MLA jong ka Mawsynram Constituency u Bah Olan Sing Suin uba la long kum u kongsan, u President ka HNYF Seng Kmie u Bah Sadon Blah uba la long kum u symbud kongsan, u Medical and Health Officer jong ka Mawsynram CHC u Dr. R. Suchiang, u Officer Incharge jong ka Mawsynram Police Station u Bah L. kharsyntiew bad kiwei kiwei.
