Shillong, Jylliew, 25: Ki nongkitkam jong ka shnong Pahamsyiem, Ri-Bhoi District ha ka sngi Balang ki la ïoh bat ïa uwei u samla uba tip kyrteng kum u Banker Syngkli, uba la 26 snem ka rta halor ka jingkynnoh ba u la dawa pisa ryngkat ka jingbuaid khawiang da kaba sei ïa ka letter head bad ka receipt jong ka Ri-Bhoi People Movement.
La kynnoh ba une u samla u la rah ruh da ki Shithi ba la thmu ban phah sha ka ophis District Health and Medical Officer Ri-Bhoi District na ka bynta ban pan jingïarap pisa ban pynlong ïa ka awareness prokram halor ka shongkha khynnah bad ka jingngop ki samla ha u drok ïa kaba la buh sngi ban pynlong ha ka 17 tarik, Naiwieng, 2023 ha Dorbar Hall jong ka shnong Umrit.
Ha ka jingtohkit, une u samla u la phla ba u dei ma u, uba tuh bad pynpra ïa ka iingmane ha Umdihar ha u snem 2024 bad rong ruh ïa ki tiar ba kyntang jong ka Iingmane.
Ïa une u samla ka Dorbar Shnong Pahamsyiem ka la aiti noh sha ka Dorbar Shnong Umdihar ban leh ïa kaba donkam.
