Shillong, Jylliew, 28: Kawei ka longkmie kaba shong basah ha nongbah Shillong ka la ujor sha ki Pulit ban pyntip ba ha ka 25 tarik mynta u bnai ha ka por 10:00 baje mynmiet, ki runar bym lah ban ithuh ki la hacked ïa u mobile number ka WhatsApp Account bad ki la pynkylla ïa ka WhatsApp Profile sha ka City Union Bank Ltd.
U Bah Treiborlang Chyne u la phah ka jingujor ba ha ka 25 tarik mynta u bnai ha ka por kumba 3.30 baje mynstep, uwei u briew uba na kajuh ka shnong hadien ba u la buaid kiad, u la leit sha ka ïing jong u ha Lumshyiap Langkyrding-A, Shillong bad u la byrngem ban leh eiei ïa u khun jong u uba kyrteng u Aiborlang.
Ka kong Nicesillin Wahlang ka la phah ka jingujor ba ha ka 23 tarik mynta u bnai ha ka por 11.30 baje mynstep, uwei u briew uba la shah kynnoh da ka kyrteng Globis Lyngdoh Nonglait, u la prong hapoh ka ïing jong ka kaba ha shnong Mawshut, Eastern West Khasi Hills bad rong tuh ïa ka pisa 10,000 hajar tyngka eiei.
