Shillong, Jylliew, 30: U Bah Welbert Lyngdoh Mawphlang u la ujor sha ki Pulit ban pyntip hapdeng ka miet 26 tarik bad mynstep ka 27 tarik mynta u bnai, ki runar ki bym lah ban ithuh durkhmat ki la tuh ïa ka Scooter jong u kaba don ïa u nombar ML-05AC-3631 kaba u la pynieng harud surok hajan ka iingsah jong u Lumshyiap, Pdengshnong, Shillong.
U Bah Markordor Kharmalki u la ujor sha ki Pulit ban pyntip ba ha ka 26 tarik mynta u bnai hapdeng ka por 1:00 baje mynstep bad 3:00 baje mynstep ki runar ki bym lah ban ithuh durkhmat ki la tuh ïa ka Motorcycle jong u kaba don ïa u nombar AS-01DY-7037 na Laban, Last Stop, Shillong.
U Siddhart Chettri u la ujor ban pyntip ba ha ka 26 tarik mynta u bnai ha ka por kumba 4:00 baje mynstep ki runar bym lah ban ithuh durkhmat ki la rong tuh ïa ka motorcycle jong u kaba don ïa u nombar ML-05Z-7592 na Rilbong, Shillong.
Ka Kong Philaihun Syiemlieh ka la ujor ha ka 27 tarik mynta u bnai ba ki runar bym lah ban ithuh durkhmat ki la tuh ïa ka mobile tablet kaba shongdor kumba T. 30,000 na hostel ha Umkdait, Nongmensong, Shillong.
U Baraksal Ch Marak u la ujor sha ki Pulit ban pyntip ba ha ka miet 25 tarik mynta u bnai, ki runar bym lah ban ithuh ki la tuh 500 kilo u shana tyrkhong bad ar tylli ki jingtap na ka kudam ha Chengkali, South Garo Hills District.
U Sectional Asst. ka PHE, Ampati (SWGH) u la ujor ban pyntip ba hapdeng ka miet 25 tarik bad 26 tarik mynta u bnai ki runar ki bym lah ban ithuh ki la tuh ar tylli ki tiar elektrik kiba shongdor kumba T. 42,000 na Rongramgre Water Supply Scheme.
