Shillong, Nailar, 04: Namar ka jingjur palat ka jingkhynra mynder ha ka jylla Assam, ka Khasi Students Union (KSU) Kupli Area Circle ha ryngkat ka jingdonlang ki Pulit ka Saphai Police Out Post ha ka Lah Sngi u Blei ki la talasi ïa ki kali kiba wan nabar ka jylla ha ka shnong Saphai, ka shnong kaba don ha khappud jong ka jylla Assam bad ka Meghalaya namarba ki mynder ri kiba shah beh na Assam ki la sdang ban wan kiew sha kane ka jylla lyngba ka khappud.
Ha u kyrwoh, ka KSU ka la pyntip ba ka jingtalasi ïa ki kali ka dang ïai bteng bad ka la kyntu ruh ïa ka Sorkar Jylla ba kam dei ban kheiñ stiing bad ka la maham ruh lada ki bor sorkar kim leh eiei bad lada ka KSU ka pyni da ki kam ka Sorkar kam dei ban kynnoh ba ki dei ki nongpynkheiñ aiñ.
Ka KSU ka la kyntu ïa ki bor synshar shnong bad ïa ki nongshong shnong kiba sah ha khappud ka jylla ba ki dei ban long kiba peitngor bha namarba ki mynder kiba shah kyndang na ka jylla Assam ki la sdang ban kiew sha ka jylla Meghalaya.
