Shillong, Nailar, 04: Uwei u dkhot jong ka kynhun Search and Rescue Team (SRT) u Bidan Sangma ula mynsaw na ki bynta jong ka khlieh hadien ba u maw u hap ha ka khlieh jong u katba u dang don sha trai jong ka riat ha Rngain ban leit sei ia ki metiap kiba dang sahkut na ka daw ka jinghap ka kali kaba la jia ha ka miet Sngi U Blei ha ka jaka ba ju khot kum ka Lumngaiñ.
Une u Pulit ka kynhun SRT u la iathuh ba ha ka por ba u dang don shapoh u maw uba kham heh u la hap kynsan bad u la dei na ka khlieh jong u hynrei donbok ba u kup ia ka Helmet u la shu lait thaw na ka jingmynsaw kaba jur.
