Shillong, Nailar 14: Kum shi bynta jong ka War Martyr Outreach Program, ki nongïalam jong ka BJP Meghalaya hapoh ka jingïalam jong u President Rikman G Momin ryngkat u MLA na Shillong South Bah Sanbor Shullai, ki la leit ban jngoh ïa ka iing bad ka jaka buh nam jong u (L) Capt. Keishing Clifford Nongrum MVC bad pynlong ruh ka jingkynmaw burom ïa ki kam riewshlur jong utei u khlawai ba ka Meghalaya ka sei.
Da kaba kynmaw ïa ki kam shlur bad ka jinglen lade jong utei u heh shipai ka jylla, na ka liang u Rikman G Momin u la pynpaw ruh ba kumno ka jingim lenlade jong u Capt. Clifford ka bteng ban ai mynsiem bad pynshlur ïa kiba bun kiwei pat ki nongshong shnong ka ri.
Na ka liang u Bah Sanbor pat u la ong ba donkam ban kynmaw ïa ki kam riewshlur bad ka mynsiem aiti lut jong utei u riewkhraw bad khlawait ba ka Meghalaya ka sei bad ong ruh ba ki kam jong u ki ieng rasong kum u diengbah ban pyni ïa ka mynsiem ieid ri kiba ka jingthaba kan tyngshain khlem lip noh.
Kane ka long katkum ka kyrwoh ba la phah da u Convenor ka State Media Cell, BJP Meghalaya u Sabyasachi Ghose.
