Ngi ki rangbah samla, kynthup ïa ki KSU barim, ngi la lyngngoh shibun haba ngi la ïohi ha ka kot khubor Phareng, ‘Shilllong Times’ kaba 13.8.2025, ba kita ki dkoh ki matlah ki kwah Rel ban wan sha Meghalaya.
Ngi sngewkhia shibun ïa kane ka mat Lynti Rel, kaba ki nongkhaii bad kiwei kiba don jingthmu ba bun rukom, khamtam ki dkhar, ki kwah palat ban pynwan sha kane ka ri Khasi-Jaiñtia, khlem pyrkhat kumno kan ktah ïa ngi.
Da ki spah bad ki hajar snem, mynta la dei u snem 2025, ngi la im suk kynjai khlem kita ki Rel, balei ngi kwah khohreh ïa kita ki Rel kiban pynkylla khongpong ïa ka jait bynriew barit jong ngi. Khlem kita ki Rel ruh la ishyrkhei, ynda la wan rung sa kita ki Rel bad ki nongwei laiphew jait, kumno kein kan ktah ïa ngi. Balei ki seng Bhalang kiba mynta ki sngap jar halor kane? Ngi kiba la aiti la slem ban ïada ïa ka Ri bad jaitbynriew kaba dang shong shngaiñ haduh mynta, imat ngi la hap ban mih pyrthei biang lada leh jaituh da kiba mynta.
Sngew lyngngoh ba kita ki dkoh ki matlah ki dawa Rel. Un ïaleit shano uta ïasia u dkoh u matlah. Wow ka buit bad ka khlieh ki khyllah jait, kiba la sdang ban pynbiej ïa ka Sorkar u Conrad ba kan pyrkhat ïa kane, namar sha Garo te ki Rel ki la rung, la rung lang ruh ki phew rynjaiñ, kita ki dkoh ki matlah te tip katno ki don ba ki kwah Rel khyllah, kin ïaleit shaei, haba tang ha shnong ha thaw lajong ruh ym lah ban poi.
Ki nongïalam Seng Bhalang mynta, kynthup ïa ki KSU, FKJGP bad kiwei, kin hap ban shim khia ïa kane ka bynta, ba da lei-lei ngim dei ban ngat ha kitei ki jingpynbeit, ïoh ngin thung baji sha riat.
Ki Rel kin pynmyntoi ïa ki shikham, lait nangta da ki jingma bad jingshyrkhei suda.
“Skhem ha ka Nongrim
Samla ka Ri” Khublei.
Ki para samla ba kit khlieh ïa ka mynta bad ka lawei.