Shillong, Nailur, 11: Ka Riya Suting, ka thei bhabriew na ka nongbah Shillong, Meghalaya ka la ïoh rung sha ka jingïakhun phainal ha ka rynsan ïakob Miss P&I India 2025, ka ban sa long ha Goa naduh ka 17 tarik haduh ka 21 tarik, Nailur, 2025.
Napdeng ki 30 ngut ki thei bhabriew na kylleng ka ri India kiba ïakhun ban ïohphong ïa ka pansngiat, ka Riya kan hap ban ïakhun ha ka Dynamic, Reality TV-style Pageant ka ban long kum ka jingtynjuh ym tang ïa ka jingbhabriew ha ka rynieng ka ryniot, hynrei wat ha ka bor met bad ha ka jingpoh ka bor jabieng.
Ka samla Riya ka la pyndep ïa ka jingshong skul na Madan Hindi Pathshala Secondary School. Ka la pyndep ïa ka Graduation na St. Mary’s College ha ka kyrdan 8th position ha ka Education Honours ha u snem 2018.
Ka la long ruh kawei na dkhot jong ka Daniel Syiem Ethenic Fashion House bad ka la jop teng kum ka Grand Miss Northeast ha u snem 2021 bad jop ruh 6 tylli ki khusnam ha ka rynsan ïakob.
Kum ka dkhot barim jong ka NCC ka samla Riya ka ju pynïaid ruh halor rynsan ïa ki jingïalang kiba heh jong ka Reserve Bank of India, ka Assam Rifles DGAR laitkor, ka Liberty General Life Insurance, ka Natco, bad ka 21st Theatre Film Festival.
Phi lah ban ai jingkyrshan ïa ka samla Riya Suting da kaba Follow ha ka Instagram da ka kyrteng @riya_lauren.
