Shillong, Risaw, 08: U Lat ka jylla CH Vijayashankar u la ai jingmynjur ïa ka kyrteng jong ki hynñiew ngut ki Executive Members (EM) jong ka Executive Committee (EC) ba thymmai ba la ïalam da ka VPP ha Khasi Hills Autonomous District Council (KHADC)
Kine ki kynthup ïa u Bah Powell Sohkhlet, Bah Seiborlang Warbah, Kong Aibandaplin F. Lyngdoh Nonglait, Kong Deity H. Majaw, Bah Isynei Hinge, Bah Pynkhrawboklin Kharjahrin bad u Bah Denzil Raynard Chen.
Ka jingthungkam ïa ki EM ba thymmai ka long katkum ka jingai jingmut jong u CEM ka KHADC u Bah Winston Tony Lyngdoh, uba la shimti kam dang shen ha ka 30 tarik, Nailur.
Ïa kane la pynthikna ruh ha ka sngi Balang da u Bah Sohkhlet ha kaba u la pyntip ba ïa ka thup kyrteng jong ki EM la ai jingmynjur da u Lat mynta ka sngi.
“Ïa ka jingbate shuki yn leh da u CEM lashai ka sngi,” u la ong.
