Shillong, K’lyngkot, 29: Kum ka jingkynmaw ia kito kiba la len ia la ka jong ka jingim na ka bynta ka jingioh laitluid jong ka ri India, yn pynlong ia ka jingsngap jar kaba ar mimit ha ka por 11 baje mynstep ha ka 30 tarik Kyllalyngkot, 2024.
Ia ka jingsngap jar dei ban pynlong ha ki jaka trei bad ban sangeh ruh ia ka jingiaid ki kali kaba ar minit ha baroh kawei ka jylla ha ka por 11:00 baje mynstep ha ka 30 tarik u Kyllalyngkot 2024.
Ha kane ka sngi, yn sa pynpah ia ka Siren naduh ka por 10:59 baje haduh 11:00 baje bad hadien ka ar mimit, yn sa pynpah biang ia ki Siren naduh ka por 11:02 baje haduh 11:03 baje.
Tang shu iohsngew ia ka jingpah jong ka Siren, baroh ki briew ki dei ieng khop hajuh bad ban sngapjar.
Ha ki jaka bym don ka jingaidak ne ka jingpynpah Siren yn ai jingtip sha baroh ki bor ba dei peit ban pynlong ia ka jingsngap jar kaba ar minit ha ka por 11:00 baje mynstep.
Ka All India Radio ka dei ban sangeh ban pathai ia ki lad jingtip bad ki kali ki dei ban sangeh ban iaid ha surok bad ban ieng khop hajuh na ka bynta ar minit.
